Pronostikoetan egindako aurrerapenen ondorioz, gero eta beharrezkoagoa da tratamenduan dauden edo bizirik dirauten paziente onkologikoen tratamendua nahiz horretatik eratorritako komorbilitateak hobetzen jarraitzea. Xede horrekin, ariketa fisiko onkologiko hiru hileeko programa, guztiz doakoa, bi azken urteetan burutu du Minbiziaren Aurka Araban elkarteak, Euneiz Unbibertsitatea hedatua.

Programaren arrakastaren ondorioz, atxikidura-ariketa fisikoa ere hasi da. Ariketaren bigarren fasea da lehenengo fasean parte hartu duten pazienteentzat. Medikuaren baimena besterik ez da behar. Duela gutxi OSI Arabarekin sinatu den hitzarmenari esker, atxikidura -ariketa fisiko bigarren fase horretan Lakuabizkarra osasun zentroan garatzen ari da.

Minbizia duten pertsonen eta haien familien bizi-kalitatea hobetzea eta laguntzea da gure bokazioa. Horregatik da hain garrantzitsua ariketa fisiko onkologikoaren unitatea, haien osasuna hobetzen eta tratamenduaren albo-ondorioak murrizten laguntzen dugu eta. Hala, biziraupena areagotzeko aukera izango dugu.

Hauek dira zerbitzuaren helburuak: minbizia duen pertsonaren egoera fisiko orokorra mantentzea edo hobetzea, baita bere gaitasun kardiobaskularra, indarra eta koordinazio orokorra ere; bizimodu sedentarioarekin lotutako beste gaixotasun batzuen garapena prebenitzea; eta sedentarismoa gutxitzea.

Ariketa fisiko onkologikoaren onuretako batzuk dira, besteak beste, neke-sentsazioa arintzea; funtzio fisikoa, bihotz-biriketako gaitasuna eta muskulu-indarra hobetzea; baita onura emozionalak ere, eta diagnostikoari eta tratamenduei lotutako antsietate- eta depresio-nahasmenduak gutxitzea.

Vital Fundazioak, Michelin Fundazioak eta Mercedes-Benzek ariketa fisiko onkologikoa babesten dute.