2017ko ekainean erlaxazio eta yoga tailerrak antolatu ziren Txagorritxuko Unibertsitate Ospitalean paziente onko-hematologikoentzat eta haien senideentzat. Horren arrakasta ikusita, 2019an AECC Arabako egoitzan ere ematen hasi dira.

Tailerren helburuak honako hauek dira:

• Giro lasaia eta egokia sortzea, prozesu horiei lotutako emozioak adierazteko eta gorpuzteko.
• Erlaxazio espazio bat partekatzea, bai tratamenduan zehar, baita ondoren ere, pertsona horiek nork bere burua ezagutzeko, onartzeko eta adierazteko.
• Egoera berean dauden beste pertsonak aurkitzeko eta haiekin harremantzeko aukera sortzea, nahi izanez gero, sentsazioak, emozioak eta ilusioak partekatzeko.

Yoga egiteak eta erlaxatzeak honako onura hauek ekarri ahal dizkie pazienteei eta senideei:

1. Bihotzeko eta arnasketako funtzioak egonkortzea.

2. Tenperatura igotzea.

3. Arnasketa normalizatzea.

4. Tentsioak ezabatzearen sentsazioa.

5. Errekuperazio fisikoa eta mentala areagotzea.

6. Garuneko oxigenazioa handitzea.

7. Antsietatea gutxitzea.

8. Egoera estresagarriei aurre egiteko gaitasuna handitzea.

9. Kontzentratzeko gaitasuna eta oroimena handitzea.

10. Behar duen bakoitzean, dagoen tokian dagoela, erlaxatzeko gaitasuna areagotzea.

Saioak astelehenero ematen dira, 10:30etik 12:00etara gutxi gorabehera, Onko-Hematologiako paziente eta senideentzat.

Pertsona kopurua aldatu daiteke, baina gehienez ere 12 pertsona egongo dira saio bakoitzeko.

Izena emateko eta informazio gehiago eskatzeko:

- AECC Araba elkartearen egoitza (Plaza Arkupeduna 1, behea – 945 263 297)

- AECC Araba elkartearen bulegoa.  6. C (Txagorritxuko Ospitalea)

- Eguneko ospitalea (Txagorritxuko Ospitaleko erizaintza kontrola)

- Onko-Hematologia planta – Gainbegiralea (Txagorritxuko Ospitalea)