A AECC recibe unha subvención de 211.925,56 euros da Xunta de Galicia
A Asociación Española Contra o Cancro recibiu unha subvención da Xunta de Galicia por importe de 211.925,56 euros, a través da convocatoria do IRPF 2021, co obxectivo de consolidar os programas que desenrola a asociación nas catro provincias galegas (A Coruña, Lugo, Ourense e Pontevedra).
Grazas a esta dotación económica, a entidade incidirá na mellora das coberturas das necesidades das familias con cancro que viven unha situación de vulnerabilidade no eido psicolóxico e social provocada pola aparición da enfermidade. Os profesionais da AECC xunto aos equipos de voluntariado axudarán e vertebrarán a nova realidade dos pacientes e os seus familiares a través dos programas que son financiados:
- Atención integral á muller con cancro
- Atención integral a familias con persoas maiores ao seu cargo en fase paliativa
- Apoio e acompañamento ao paciente con cancro e a súa familia a través do voluntariado
- Selección, formación e mantemento do voluntariado
- Apoio social de emerxencia para familias en risco de exclusión social por enfermidade oncolóxica
- Atención especializada a familias de nenas/os con cancro
- Atención ao coidador e coidadora